രക്തസാക്ഷിദിനം : 30 -ന് മൗനാചരണം നടത്തും
ഇന്ത്യയുടെ സ്വാതന്ത്ര്യ സമരത്തില്‍ പങ്കെടുത്ത് ജീവന്‍ ബലികഴിച്ചവരുടെ
സ്മരണാര്‍ത്ഥം രാജ്യമൊട്ടുക്ക് ജനുവരി 30-ന് മൗനാചരണം നടത്തുന്നതിന്റെ
ഭാഗമായി സംസ്ഥാനത്തും ജനുവരി 30-ന് വ്യാഴാഴ്ച രാവിലെ 11 മണിക്ക്
രണ്ടുമിനിട്ട് മൗനം ആചരിക്കണമെന്ന് സര്‍ക്കാര്‍ ഉത്തരവായി. ഈ സമയം
ഓരോരുത്തരും അവരവരുടെ സഞ്ചാരവും പ്രവര്‍ത്തനവും നിര്‍ത്തിവച്ച്
വീരമൃത്യുവരിച്ചവരെ അനുസ്മരിച്ച് രണ്ടുമിനിട്ട് മൗനം ആചരിക്കണം. എല്ലാ
വകുപ്പ് മേധാവികളും ജില്ലാ കളക്ടര്‍മാരും പൊതുമേഖലാ, സ്വയംഭരണ
സ്ഥാപനങ്ങളിലെ മേധാവികളും അവരവരുടെ ഓഫീസുകളിലും കീഴിലുള്ള ഓഫീസുകളിലും
ആവശ്യമായ നടപടികള്‍ സ്വീകരിക്കണം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ